Pablo Punyed var ekki í leikmannahópi Víkings þegar liðið mætti ÍA í 2. umferð Bestu deildarinnar.
Pablo var í leikbanni í fyrstu umferð og ef allt hefði verið eðlilegt hefði hann verið í leikmannahópnum í gær.
Pablo var í leikbanni í fyrstu umferð og ef allt hefði verið eðlilegt hefði hann verið í leikmannahópnum í gær.
Lestu um leikinn: ÍA 3 - 0 Víkingur R.
„Hann fer í myndatöku á morgun, vonandi kemur í ljós að það er ekkert alvarlegt í gangi. Honum líður betur frá degi til dags," sagði Arnar Gunnlaugsson, þjálfari Víkings, við Fótbolta.net í dag.
„Hann fékk eitthvað smá í hnéð eftir samstuð á æfingu. Hann æfði ekkert með okkur fyrir leikinn í gær og var ekki klár í að spila þann leik," sagði Arnar.
Pablo var einn allra besti leikmaður Íslandsmótsins í fyrra og kom við sögu í 21 af 22 leikjum Víkings sem lyfti Íslandsmeistaratitlinum í lok móts.
Athugasemdir
