Enska úrvalsdeildarfélagið Manchester United hefur ákveðið að lækka verðmiðann á enska varnarmanninum Chris Smalling, en hann er á láni hjá ítalska félaginu Roma.
Þessi 30 ára gamli miðvörður gekk til liðs við Roma fyrir tímabilið á láni en hann hefur notið þess að spila á Ítalíu og reynst afar mikilvægur í vörn Rómverja.
Man Utd vildi upphaflega fá 25 milljónir evra fyrir Smalling en Roma var ekki tilbúið að greiða þá upphæð fyrir hann.
Smalling vill vera áfram í herbúðum Roma og samkvæmt Il Tempo er Man Utd tilbúið að lækka verðmiðann niður í 18 milljónir evra.
Roma er því nær því að ganga frá kaupum á Smalling en hann hefur spilað 28 leiki á þessari leiktíð, skorað 2 mörk og lagt upp eitt.
Athugasemdir
