Vilja Anderson frekar en Wharton - Napoli á eftir Mainoo - Atlético í baráttuna um Guehi
   sun 25. ágúst 2024 17:25
Brynjar Ingi Erluson
England: Þægilegur sigur í fyrsta heimaleik Slot
Luis Díaz fagnar fyrsta marki leiksins
Luis Díaz fagnar fyrsta marki leiksins
Mynd: EPA
Mohamed Salah skoraði annað mark sitt í deildinni
Mohamed Salah skoraði annað mark sitt í deildinni
Mynd: EPA
Liverpool 2 - 0 Brentford
1-0 Luis Diaz ('13 )
2-0 Mohamed Salah ('71 )

Liverpool vann annan leik sinn á tímabilinu er liðið lagði Brentford að velli, 2-0, í 2. umferð ensku úrvalsdeildarinnar á Anfield í dag.

Hollenski stjórinn Arne Slot var að stýra fyrsta deildarleik sínum á Anfield og gekk það allt eins og í sögu.

Luis Díaz kom Liverpool í forystu á 13. mínútu. Brentford fékk hornspyrnu, sem var hreinsuð frá og keyrðu heimamenn hratt upp. Diogo Jota kom með skemmtilega sendingu á milli varnarmanna Brentford á Díaz sem keyrði inn í teiginn og afgreiddi boltann efst í vinstra hornið.

Andy Robertson komst í fínt færi stuttu síðar en Mark Flekken sá við honum. Skotinn fékk annað ágætis færi í byrjun síðari hálfleiks en hollenski markvörðurinn sá við honum í annað sinn.

Gestirnir fengu sitt besta færi á 56. mínútu. Michael Collins átti skalla á fjær eftir vel útfærða hornspyrnu en Alisson Becker las þetta vel og varði skallann áður en hann kýldi boltann úr teignum.

Sóknarleikur Liverpool var skemmtilegur næstu mínútur á eftir. Diogo Jota var hársbreidd frá öðru marki eftir skemmtilegt samspil. Trent Alexander-Arnold fékk boltann á lofti hægra megin í teignum, kom honum fyrir á Jota, en Collins náði að komast fyrir skotið á síðustu stundu.

Heimamenn voru að hóta öðru marki. Flekken varði gott skot Díaz áður en Mohamed Salah tryggði sigurinn.

Dominik Szoboszlai vann boltann, kom honum á Alexis MacAllister sem fann Díaz. Hann sá Salah einan á auðum sjó, kom honum á egypska sóknarmanninn sem lagði hann framhjá Flekken í markinu.

Varamaðurinn Cody Gakpo var nálægt því að bæta við þriðja markinu. Hollendingurinn átti skot sem fór af Collins, í þverslá og aftur fyrir endamörk. Liverpool sigldi þessu örugglega heim og tókst Brentford ekkert að ógna stærstan hluta síðari hálfleiksins.

Liverpool-menn byrja vel á nýju tímabili undir nýjum stjóra. Liðið með fullt hús og tvö hrein lök eftir tvo leiki en Brentford með þrjú stig.
Stöðutaflan England Premier league - karlar
  L U J T ms: mf: mun Stig
1 Arsenal 12 9 2 1 24 6 +18 29
2 Chelsea 12 7 2 3 23 11 +12 23
3 Man City 12 7 1 4 24 10 +14 22
4 Aston Villa 12 6 3 3 15 11 +4 21
5 Crystal Palace 12 5 5 2 16 9 +7 20
6 Brighton 12 5 4 3 19 16 +3 19
7 Sunderland 12 5 4 3 14 11 +3 19
8 Bournemouth 12 5 4 3 19 20 -1 19
9 Tottenham 12 5 3 4 20 14 +6 18
10 Man Utd 12 5 3 4 19 19 0 18
11 Everton 12 5 3 4 13 13 0 18
12 Liverpool 12 6 0 6 18 20 -2 18
13 Brentford 12 5 1 6 18 19 -1 16
14 Newcastle 12 4 3 5 13 15 -2 15
15 Fulham 12 4 2 6 13 16 -3 14
16 Nott. Forest 12 3 3 6 13 20 -7 12
17 West Ham 12 3 2 7 15 25 -10 11
18 Leeds 12 3 2 7 11 22 -11 11
19 Burnley 12 3 1 8 14 24 -10 10
20 Wolves 12 0 2 10 7 27 -20 2
Athugasemdir
banner