Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

fim 25. september 2025 22:56

Sverrir Örn Einarsson

Snúin aftur eftir krossbandsslit og barnsburð „Er ótrúlega stolt af sjálfri mér í dag"

Arna Sif Ásgrímsdóttir

Mynd: Fótbolti.net - Hafliði Breiðfjörð

720 dögum eftir að hún lék síðast deildarleik með Val og 589 dögum eftir að hún lék síðast meistaraflokksleik með Val sneri Arna Sif Ásgrímsdóttir aftur á völlinn er hún var í byrjunarliði Vals gegn FH er liðin mættust í Kaplakrika í dag en úrslit leiksins urðu 1-1. Fréttaritara lék forvitni á að vita hvernig tilfinningin væri að snúa aftur á völlinn eftir svo langa fjarveru?

Lestu um leikinn: FH 1 - 1 Valur

„Hún var bara ótrúlega góð. Þetta er eitthvað sem maður er búin að bíða eftir í 589 daga til að vera nákvæm þannig að þetta var bara hrikalega skemmtilegt.“

Þjálfarateymi Vals fór aðra leið en algengast er þegar leikmenn eru að snúa aftur eftir fjarveru og settu Örnu beint í byrjunarliðið frekar en að koma henni hægt og rólega inn í hlutina.

„Það eru þrír leikir síðan ég fékk grænt ljós á einhverjar mínútur og ég er búin að ná að klukka mínútur með 2.flokki hjá Val og var mest komin með hálfleik. Þetta kom pínu flatt upp á mig þegar mér var tilkynnt að ég ætti að byrja þegar maður hafði séð fyrir sér fimm mínútur hér og korter þar.“

Þessi langa fjarvera Örnu má segja að skýrist bæði af gleði og sorg. Hún varð fyrir því óláni að slíta krossband en auk þess varð hún einnig barnshafandi og fæddi barn í heiminn. Öllu jöfnu er talsvert afrek fyrir afrekskonur að koma til baka eftir annaðhvort en hvað þá bæði.

„Þetta er búið að vera ótrúlegt í rauninni. Ég er bara ótrúlega stolt af sjálfri mér í dag. Það er eitt að koma til baka eftir erfið meiðsli en svo að ganga með og fæða barn. Þetta er búið að ganga vel og illa og allt þar á milli í rauninni. Að vera komin hingað í dag gerir mig bara stolta en þetta er bara eitt skref og það er ennþá hellings vinna eftir og það heldur bara áfram. Ég ætla samt að leyfa mér að vera bara mjög ánægð með mig í dag og svo höldum við bara áfram á morgun.“

Sagði Arna en allt viðtalið við hana má sjá í spilaranum hér að ofan