Fótbolti.net

lau 26. apríl 2025 13:45

Brynjar Ingi Erluson

Championship: Burnley skoraði fimm - Tvö rauð og dramatík í lífsnauðsynlegum sigri Luton

Burnley ætlar sér að vinna titilinn

Mynd: Burnley

Burnley er komið aftur á toppinn í ensku B-deildinni eftir að liðið vann 5-0 stórsigur á QPR í 45. umferð deildarinnar í dag.

Burnley-menn, sem hafa verið sterkasta varnarlið deildarinnar á tímabilinu, voru búnir að tryggja sæti sitt í ensku úrvalsdeildina fyrir þessa umferð.

Nú er öll einbeiting sett á að vinna titilinn en liðið berst þar við Leeds. Markatala gæti skipt miklu máli í baráttunni en þar hefur Leeds betur.

Burnley reyndi að saxa aðeins á markatölu Leeds í dag. Zian Flemming og Jeremy Sarmiento skoruðu báðir tvö fyrir gestina og þá gerði Joshua Cullen eitt.

Þá hélt liðið hreinu í 30. sinn á tímabilinu en það hefur aðeins fengið á sig fimmtán mörk allt tímabilið. Ótrúlegasta afrek í sögu deildarinnar.

Burnley er nú með 97 stig á toppnum, þremur stigum meira en Leeds. Á mánudag tekur Leeds á móti Bristol City.

Luton vann mikilvægan 1-0 sigur á Coventry City á Kenilworth Road.

Luton, sem féll úr ensku úrvalsdeildinni á síðasta ári, hefur verið í miklum vandræðum á þessari leiktíð. Liðið hefur verið í fallbaráttu á tímabilinu.

Coventry er á meðan í baráttu um umspilssæti. Ekki byrjaði það vel hjá gestunum því Jay DaSilva fékk að líta rauða spjaldið eftir þrettán mínútur.

Það var jafnt í liðum þegar tuttugu mínútur voru eftir er Liam Walsh fékk sitt annað gula spjald á þremur mínútum og var rekinn af velli.

Þegar lítið var eftir af leiknum náðu heimamenn í Luton að gera sigurmarkið er Shandon Baptiste skoraði, tæpum fimmtán mínútum eftir að hann kom inn á sem varamaður.

Lífsnauðsynlegur sigur hjá Luton sem er í 20. sæti, þremur stigum fyrir ofan fallsæti fyrir lokaumferðina. Coventry er í 6. sæti með 66 stig, en tapið var heldur þungt í baráttu liðsins um að komast í umspil.

Luton 1 - 0 Coventry
1-0 Shandon Baptiste ('90 )
Rautt spjald: ,Jay DaSilva, Coventry ('13)Liam Walsh, Luton ('68)

QPR 0 - 5 Burnley
0-1 Joshua Cullen ('9 )
0-2 Zian Flemming ('20 )
0-3 Zian Flemming ('28 )
0-4 Jeremy Sarmiento ('62 )
0-5 Jeremy Sarmiento ('90 )

		L	U	J	T	ms:	mf:	mun	Stig
1	Coventry	44	26	11	7	90	44	+46	89
2	Millwall	44	23	10	11	61	48	+13	79
3	Ipswich Town	42	21	13	8	73	44	+29	76
4	Southampton	44	21	13	10	77	53	+24	76
5	Middlesbrough	43	20	13	10	64	44	+20	73
6	Wrexham	44	19	13	12	66	60	+6	70
7	Hull City	44	20	10	14	67	63	+4	70
8	Derby County	44	19	9	16	63	55	+8	66
9	Norwich	44	19	7	18	61	53	+8	64
10	Swansea	44	17	9	18	53	57	-4	60
11	Bristol City	44	16	11	17	56	57	-1	59
12	QPR	44	16	10	18	59	67	-8	58
13	Sheffield Utd	43	17	6	20	61	59	+2	57
14	Birmingham	43	15	12	16	52	53	-1	57
15	Watford	44	14	15	15	52	56	-4	57
16	Preston NE	43	14	15	14	50	55	-5	57
17	Stoke City	44	15	10	19	50	51	-1	55
18	West Brom	44	13	13	18	47	56	-9	52
19	Portsmouth	44	13	12	19	45	62	-17	51
20	Charlton Athletic	43	12	14	17	40	52	-12	50
21	Blackburn	44	12	13	19	39	54	-15	49
22	Oxford United	44	10	14	20	41	56	-15	44
23	Leicester	44	11	15	18	56	67	-11	42
24	Sheff Wed	43	1	12	30	26	83	-57	-3