Það tók Manchester United aðeins tæpar þrjár mínútur að komast í forystu gegn Everton og var það þökk sé algeru draumamarki frá Garnacho.

Diogo Dalot kom með fyrirgjöfina frá hægri og kastaði Garnacho sér upp í loftið og smellti honum í samskeytin hægra megin úr bakfallsspyrnu.

Ótrúlegt mark hjá Garnacho og klárlega mark tímabilsins til þessa. Hann fagnaði því að hætti Cristiano Ronaldo, sem er jú átrúnaðargoð hans.