Arsenal þurfti á framlengingu að halda í kvöld gegn gríska liðinu Olympiakos. Pape Abou Cisse jafnaði einvígið með skalla eftir hornspyrnu í upphafi seinni hálfleiks.

Arsenal vann fyrri leikinn 0-1 og því þýddi þessi niðurstaða framlengingu. Pierre-Emerick Aubameyang skoraði stórkostlegt mark á 113. mínútu.

Arsenal á leiðinni áfram en dramatíkin varð meiri. Youssef El Arabi skoraði sigurmarkið á lokasekúndum leiksins þegar hann kom boltanum í netið eftir fyrirgjöf frá hægri, El Arabi réttur maður á réttum stað og skaut Grikkjunum áfram.

Aubameyang fékk dauðafæri þegar uppbótartíminn var liðinn í framlengingunni en tókst ekki að koma boltanum í netið, ótrúlegur endir.