Íslenska kvennalandsliðið skipað leikmönnum 17 ára og yngri vann glæsilegan 4-0 sigur á Kósóvó í lokaleiknum í seinni umferð í undankeppni Evrópumótsins í dag.

Það var ljóst fyrir leikinn að Ísland færi ekki á lokamótið sem fer fram í Svíþjóð í maí.

Íslenska liðið var ákveðið í að klára undankeppnina með stæl og það varð raunin. Thelma Karen Pálmadóttir gerði eina mark fyrri hálfleiksins og tvöfaldaði Ragnheiður Þórunn Jónsdóttir forystuna snemma í þeim síðari.

Hrefna Jónsdóttir bætti við tveimur mörkum áður en flautað var til leiksloka.

Ísland tryggði sér þar með sæti í A-deild fyrir næstu undankeppni fyrir EM 2025.