Lestu um leikinn: Selfoss 3 -  1 KFA

„Þetta var fín endurkoma. Hins vegar eiga KFA hrós skilið. Þeir settu okkur út af laginu og voru miklu, miklu betri framan af leik.
Innkoma þeirra í leikinn var gríðarlega sterk. Við áttum í vök að verjast en stóðum það af okkur. "

„Í seinni hálfleik fannst mér við ná tökum á leiknum. Sérstaklega í fyrri hluta framlengingarinnar þar sem við skorum tvö mörk. "

Bjarni hefur unnið alla þá titla sem hægt er að vinna sem þjálfari.

„Þessi var eftir, það var ljúft að vinna þennan, ég skal alveg viðurkenna það. Þegar þú ert með ungt og sprækt lið þá er þetta frábær tilfinning."

„Það er alltaf jafn gaman að lyfta bikar. Við fengum frábæran stuðning af pöllunum, þetta er ótrúlega ljúft. Hvaðan sem þeir koma og hvenær."

Bjarni verður áfram með Selfoss

„Ég vona það, ég vona að mér verði ekki hent núna, sagði Bjarni léttur.

„Ég er með tveggja ára samning og ég veit ekki annað en að hann haldi áfram."

Viðtalið má sjá í heild sinni í spilaranum hér að ofan.