Oliver var besti leikmaður Lengjudeildarinnar.
Samkvæmt heimildum Fótbolta.net gerði Valur tilboð í Oliver Heiðarsson, hinn kraftmikla sóknarmann ÍBV, rétt fyrir jólin.
Oliver var valinn besti leikmaður Lengjudeildarinnar síðasta sumar. Hann endaði sem markahæsti leikmaður deildarinnar, skoraði fjórtán mörk og hjálpaði ÍBV upp í Bestu deildina.
Valur hefur áhuga á að fá hann í sínar raðir. Fyrsta tilboði félagsins var hafnað en það er annað komið á borðið.
Oliver var valinn besti leikmaður Lengjudeildarinnar síðasta sumar. Hann endaði sem markahæsti leikmaður deildarinnar, skoraði fjórtán mörk og hjálpaði ÍBV upp í Bestu deildina.
Valur hefur áhuga á að fá hann í sínar raðir. Fyrsta tilboði félagsins var hafnað en það er annað komið á borðið.
Oliver er 23 ára og er samningsbundinn ÍBV út 2025. Ljóst er að ÍBV vill alls ekki missa hann en Þorlákur Árnason, nýr þjálfari ÍBV, var í viðtali í október og sagðist ætla að byggja sóknarleikinn í kringum hann.
„Hann skoraði ekki mikið í FH í efstu deild en ég held að hann eigi eftir að vera mjög sterkur á næsta ári. Stundum er gott að fara aðeins til baka, sanna sig og fá sjálfstraust. Ég reyni svolítið að móta sóknarleikinn í kringum hann," sagði Þorlákur.
Athugasemdir
