Hildur Antonsdóttir skoraði tvö mörk í kvöld.
Það fór ekki svo að þrír leikir færu fram í Lengjubikar kvenna í kvöld en mikil snjókoma gerði það að verkum að fresta þurfti tveimur leikjum.
Víkingur og FH áttu að mætast á Víkingsvelli klukkan sjö og klukkustund síðar áttu Þróttur og Valur að mætast á Eimskipsvellinum. Báðum leikjum varð að fresta og ekki búið að ákveða nýjan leiktíma.
Stjarnan gat hinsvegar tekið á móti Breiðabliki en leikurinn fór fram í nýja glæsilega fótboltahúsinu þeirra, Miðgarði.
Hildur Antonsdóttir kom Breiðabliki yfir en Katrín ásbjörnsdóttir jafnaði metin. Margrét Brynja Kristjánsdóttir og Hildur Antonsdóttir komu Blikum svo í 1 - 3 áður en Arna Dís Arnþórsdóttir minnkaði muninn.
Með sigrinum fór Breiðablik upp fyrir KR og á topp riðilsins með 6 stig úr tveimur leikjum. KR er með 4 en Stjarnan og ÍBV jöfn með 3 stig.
Stjarnan 2 - 3 Breiðablik
0-1 Hildur Antonsdóttir
1-1 Katrín Ásbjörnsdóttir
1-2 Margrét Brynja Kristjánsdóttir
1-3 Hildur Antonsdóttir
2-3 Arna Dís Arnþórsdóttir
Athugasemdir
