„Mér líst mjög vel á leikinn geg Val, þetta eru alltaf stórleikir og einn stærsti leikurinn á hverju tímabili. Það er bara spenna fyrir honum," sagði Pálmi Rafn Pálmason, fyrirliði KR, við Fótbolta.net í dag.
KR mætir Val á Origo vellinum á laugardag. Leikurinn hefst klukkan 19:15.
KR mætir Val á Origo vellinum á laugardag. Leikurinn hefst klukkan 19:15.
Býstu við öðruvísi leik heldur en á móti Breiðabliki?
„Nú veit ég ekki, ég veit ekki hvernig Valsarnir ætla að koma í leikinn en við ætlum að fara í þennan leik til að vinna þetta, það er engin spurning. Svo verður bara að sjá hvernig þetta endar, þetta verður vonandi spennandi og fjörugur leikur."
Pálmi segir að KR-ingar hafi verið frekar óheppnir með meiðsli. Það sé spurning hverjir verða klárir í leikinn. Kristján Flóki og Emil Ásmundsson verði ekki með en það mun koma í ljós með aðra. En verður Kjartan Henry klár?
„Kjarri ætti að vea klár, það verður gott að fá hann inn í hópinn aftur."
„Við lítum alls ekki á þetta sem neinn úrslitaleik. Þetta er bara leikur um þrjú stig og við þurfum á öllum stigum að halda eins og þeir. Það verður hart barist um öll stigin," sagði Pálmi.
Í lok viðtals var hann spurður út í dráttinn í Mjólkurbikarnum en KR mætir Stjörnunni í 32-liða úrslitunum.
Athugasemdir
