Fótbolti.net

Guðlaugur Victor: Megum alls ekki halda að þetta verður auðvelt

Agla María: Höfum tækifæri til þess að skrifa söguna hjá Breiðabliki

Nik: Viljum góðan leik, góða mætingu og úrslit sem setja okkur í góða stöðu fyrir seinni leikinn

Davíð Smári: Hrós fyrir mig og félagið að Eiður vilji taka þátt í þessu verkefni

Vildi vinna áfram með Davíð - „Ekkert heillaði mig jafn mikið"

Sjáðu það helsta úr spænska: Þrenna Lewandowski bjargaði Barcelona

Sjáðu það helsta úr ítalska: Albert skoraði og De Gea með furðulega tilburði

Sverrir Ingi lærir af Rafa Benítez: Maður spilar ekki endalaust

Andri Lucas: Við erum að verða mjög gott lið

Alli Jói: Ég lít á þetta sem skref upp á við

Jói Berg var ekki sáttur með ákvörðun Arnars: Gríðarlega svekkjandi

Davíð Snorri: Kjarninn góður en þó öflugir leikmenn utan hópsins

Lárus Orri hæstánægður: Hann er ekkert að koma heim til þess að slaka á

Davíð Smári: Markmiðið var að vera í efstu deild

Arnar: Þarf lítið til svo allt fari til fjandans

„Stórt að einn besti hafsent deildarinnar velji að spila fyrir okkur"

Auðveld ákvörðun að velja Grindavík/Njarðvík - „Væri til í að byrja á morgun"

Hlín Eiríks: Kíktum í balletkennslu í gær í staðinn fyrir æfingu

Steini: Hún er bara orðin gömul og þreytt

Thelma Karen: Gærdagurinn eitt mesta bull sem ég hef lent í á ævinni

sun 28. maí 2023 22:37

Sölvi Haraldsson

Heimir um myndbandið: Fór í þetta þótt að ég sé ekki mikill leikari

Mynd: Jónína Guðbjörg Guðbjartsdóttir

„Bara geggjað að vinna leikinn. Við sýndum mikinn karakter fannst mér og við töluðum um það í hálfleik að við þurftum að laga varnarleikinn. Síðan komum við út í seinni hálfleik og Eyþór skorar þetta geggjaða mark. Það þarf sterkt lið að koma til baka eftir það. Við skoruðum fjögur mörk en hefðum getað skorað miklu fleiri mörk.“ sagði Heimir Guðjónsson, þjálfari FH, kampakátur eftir 4-3 sigur á HK í kvöld.

Lestu um leikinn: FH 4 - 3 HK

Þú hlýtur að vera ánægður með karakterinn í liðinu að lenda þrisvar sinnum undir en koma alltaf til baka.

„Já algjörlega. Við sýndum karakter í Eyjum og við sýndum karakter í kvöld en varnarlega þurfum við að bæta okkur. Varnarleikurinn í fyrri hálfleik var sérstaklega ekki til útfluttnings.“

Þið haldið áfram að vinna á grasi, finnst ykkur best að spila á grasinu?

„Það á að spila fótbolta á grasi. Völlurin er að koma til en við þurfum að fara að vinna á gervigrasvöllum, það er ekki spurning.“

Gyrðir heldur bara áfram að skora, hversu ánægður ertu með hans frammistöðu í kvöld og í seinustu umferð?

„Gyrðir hefur gert það sem að við vonuðumst eftir þegar við fengum hann. Bara flottur strákur og hann hefur alltaf unnið sína vinnu þegar það er kallað á hann.“

Það var gert grín af ummælunum um heimavöllinn ykkar í aðdraganda þessa leiks á samfélagsmiðlum FH, hver var pælingin á bakvið þetta? Eru menn bara léttir í Hafnarfirði?

„Já það verður líka alltaf að vera einhver léttleiki í þessu. Ég fór bara í þetta þótt ég sé ekki mikill leikari. Það er alveg hægt að hafa smá gaman af þessu stundum.“

Hvernig leggst næsta verkefni í þig þar sem þú ferð á þinn gamla heimavöll og þið takist á við Val?

„Bara vel. Valsliðið er geggjað lið með frábæra fótboltamenn. Við þurfum að undirbúa okkur vel undir hann. Það er Víkingur - Valur á morgun, ég kannski fer í Víkina og horfi á þann leik.“

Hörður Ingi greindi frá því á samfélagsmiðlum í dag að hann mun ekki spila fleiri leiki á þessu tímabili. Það hlýtur að vera mjög stór missir fyrir FH.

„Já algjörlega. Hann er frábær leikmaður og kom til baka mjög sterkur inn í FH liðið. Síðan er Steven Lennon eitthvað frá líka, menn eru að tala um sex vikur. Það er ekki gott en vonandi gengur það vel.“