Aston Villa er að ganga frá samningum við Zepiqueno Redmond en hann kemur á frálsri sölu frá hollenska félaginu Feyenoord í sumar.
Redmond er 18 ára gamall sóknarmaður sem lék sína fyrstu leiki með aðalliði Feyenoord á nýafstaðinni leiktíð.
Alls lék hann 9 leiki í öllum keppnum og skoraði tvö mörk, en hann mun yfirgefa Feyenoord þegar samningur hans rennur út í lok næsta mánaðar.
Fabrizio Romano segir hann á leið til Aston Villa og mun hann gera samning til 2029.
Villa er að fá fjölhæfan, fljótan og kraftmikinn sóknarmann sem getur spilað á báðum vængjunum og sem fremsti maður.
Redmond á 26 leiki að baki með yngri landsliðum Hollands og skorað 3 mörk.
Athugasemdir
