"Þetta var fínn leikur sem Selfoss gaf okkur. Ég myndi segja að gæðin í okkar liði í dag hafi verið munurinn," sagði Logi Tómasson, leikmaður Víkings, eftir öruggan 6-0 sigur gegn Selfossi í Mjólkurbikarnum í kvöld.
Lestu um leikinn: Selfoss 0 - 6 Víkingur R.
Logi fékk höfuðhögg í leiknum og mætti í viðtalið með vafning um hausinn. "Ég var í skallabolta við einn strákinn í Selfossi og fékk bara skurð, en það er bara flott."
Logi lagði sjálfur sitt af mörkum í sigri Víkinga í kvöld en hann skoraði þrennu í leiknum. "Ég er mjög glaður með það. Þetta er fyrsta þrennan mín í meistaraflokksbolta svo það er bara mjög skemmtilegt."
Auk þess að spila fótbolta með Víkingum hefur Logi getið af sér gott orð sem tónlistarmaðurinn Luigi. Margir muna eftir því þegar hann gaf út lag eftir að hafa skorað tvö mörk gegn Val fyrir nokkrum árum síðan. Við spurðum hvort að nýtt lag væri á leiðinni eftir þrennuna.
"Nei. Ég er bara með fókus núna og nýr Logi Tómasson er mættur."
Allt viðtalið má sjá í spilaranum hér að ofan