Steingrímur Örn Eiðsson aðstoðarþjálfari KA var ánægður með úrslit kvöldsins eftir að liðið hans sigraði HK 2-1 í Kórnum.
Lestu um leikinn: HK 1 - 2 KA
„Fínt að ná í sigur, við þurfum að fara tína stigin og safna inn sigrum til að halda áfram að rísa upp töfluna, þannig það er bara mjög gott. Óþarfa paník og stress í restina, miðað við yfirburðina í leiknum."
KA hefur verið að spila betur, og betur í síðast liðnum leikjum og leikurinn í dag var engin undantekning.
„Við erum alltaf að verða líkari, og líkari sjálfum okkur og erum alltaf að verða betri, og betri. Það er kominn betri svona taktur í okkur allavega, bæði sóknarlega og varnarlega þannig þetta er allt að koma hjá okkur. Við erum bara á réttri leið."
Viðar Örn Kjartansson byrjaði sinn fyrsta leik í deildinni og átti mjög fínan leik.
„Hann er bara búinn að vera vaxandi núna með hverri einustu æfingu, í hverri einustu viku og er búinn að vera æfa mjög vel. Hann fer að setja inn slatta af mörkum núna, það kemur."
HK vildi fá víti seint í uppbótartíma sem hefði heldur betur verið dramatískt. Þeir fengu það hinsvegar ekki og Steini er ekki viss hvort honum fyndist þetta vera víti.
„Ég sá það svo sem ekki, þetta var einhver þvaga og ég held að það hafi ekki verið víti frekar við hefðum átt að fá víti í fyrri hálfleik. Þannig ég held þetta sé bara köll og reyna að fiska eitthvað held ég."
Viðtalið má sjá í heild sinni í spilaranum hér fyrir ofan.