Jay Rodriguez leikmaður Burnley hefur átt gott tímabil með liðinu í Championship deildinni í ár en hann er með átta mörk og eina stoðsendingu í fimmtán leikjum.
Vincent Kompany stjóri liðsins segir að Rodriguez hefði getað náð ansi langt ef hann hefði ekki meiðst eins mikið og raun ber vitni.
„Rodriguez er einstakur leikmaður. Án efa hefði hann orðið leikmaður í topp 4 eða topp 6 liði í úrvalsdeildinni ef hann hefði ekki verið svona óheppinn með meiðsli," sagði Kompany.
Þessi 33 ára gamli leikmaður var sérstaklega óheppinn með meiðsli í upphafi ferilsins. Hann var að kljást við erfið meiðsli á síðustu leiktíð.
Athugasemdir
