Ince býst við látum ef Liverpool fær ekki titilinn

Talað hefur verið um að enda tímabilið eins og það er núna, klára það bakvið luktar dyr, spila restina í haust eða hreinlega þurkka það út og byrja upp á nýtt í haust.

Liverpool er með 25 stiga forskot og þarf einungis tvo sigra í viðbót til að gulltryggja titilinn. 30 ár eru síðan félagið vann síðast titilinn og segir Ince að það þurfi að klára tímabilið.

Ince sem er fyrrum leikmaður Liverpool og Manchester United segir: „Þetta er flókin staða því þú getur ekki gert alla ánægða."

„Geturu ímyndað þér 30 ára bið og þegar hún er alveg að enda þá er leiktíðin þurrkuð út og afskrifuð?"

„Það yrðu læti í Liverpool. Myndiru frekar reita eitt lið til reiði til að gera alla glaða eða gefa Liverpool titilinn?"

„Við verðum að klára tímabilið sama hvað gerist. Ef það er í maí eða júni, við erum bara að tala um níu leiki. Það skiptir ekki máli þó það sé bakvið luktar dyr, það eru aðrir sem stjórna því en það er of mikið undir fyrir alla, ekki bara Liverpool. Fallbaráttan er of jöfn svo það er á kristaltæru að það þarf að klára tímabilið."

„Við vitum ekki hversu langan tíma þetta tekur en það gengur ekki upp að aflýsa og þurrka út þetta tímabil," sagði Ince að lokum.