Darren Bent, fyrrum leikmaður Englands, væri til í að sjá Dean Henderson verja mark liðsins í lokakeppni EM í sumar.
Henderson er markvörður númer tvö hjá Manchester United en hefur þó fengið að spila í fjarveru David de Gea síðustu vikur.
Jordan Pickford er númer eitt hjá Gareth Southgate en það verður vonandi ekki raunin í sumar að mati Bent.
„Mér líkar við Henderson en hef áhyggjur af spilatímanum hans um leið og David de Gea kemur aftur," sagði Bent.
„Ef ég ætti að setja þá í röð þá yrði það örugglega Henderson, Pope og svo Pickford. Ég er hrifinn af Pickford en hann er of tilfinninganæmur. Á stórmóti eins og HM og EM þá þarftu á rólegum markverði að halda."
Pickford er 27 ára gamall og hefur leikið 30 landsleiki fyrir England á ferlinum.
Athugasemdir