Það vakti athygli að Stefan Alexander Ljubicic skoraði annað af mörkum Keflavíkur í gær. Hann er leikmaður KR en ansi líklegt þykir að hann gangi í raðir Keflavíkur á næstu dögum. Þetta var fyrsti leikurinn hans eftir aðgerð.

Keflvíkingar verða án Ástralans Jodan Smylie í upphafi móts og gæti Stefan akkurat verið maðurinn sem Keflavík þarf á að halda í hans fjarveru. „Smylie er nýkominn úr liðþófaaðgerð og það eru alltaf einhverjar vikur sem tekur að jafna sig á því. Hann stóð sig vel áður en hann meiddist, en því miður reif hann liðþófa. Við reiknum með honum eftir nokkrar vikur."

„Við erum að skoða í kringum okkur alltaf, bæði geta einhverjir leikmenn farið frá okkur og einhverjir komið í staðinn. Við erum stöðugt að vinna í að styrkja hópinn okkar, hann er mjög breyttur, kannski breiðari en í fyrra. Fleiri ungir og efnilegir sem við væntum mikils af í sumar og þurfa að stíga upp. Við erum kannski með færri toppa en í fyrra. Það er planið okkar að halda betur í okkar bestu leikmenn í framtíðinni og til þess þarf félagið að stækka utan vallar," sagði þjálfarinn Sigurður Ragnar Eyjólfsson í viðtali í gær.

Byrjunarlið Keflavíkur:
Rosenörn; Nacho, Magnús Þór, Oleksiy Kovtun, Gunnlaugur; Sami Kamel, Sindri Snær, Frans; Sindri Þór, Marley Blair, Stefan Ljubicic.