Þorsteinn Már Ragnarsson.
Þorsteinn Már Ragnarsson lék í dag sinn síðasta fótboltaleik þegar KR tapaði 0-2 gegn fyrrum félagi hans, Stjörnunni.
Þorsteinn Már, sem er 32 ára, á virkilega flottan feril að baki þar sem hann hefur spilað með KR, Stjörnunni og Víkingi Ólafsvík.
Þorsteinn Már, sem er 32 ára, á virkilega flottan feril að baki þar sem hann hefur spilað með KR, Stjörnunni og Víkingi Ólafsvík.
Lestu um leikinn: KR 0 - 2 Stjarnan
„Ég er sáttur með þetta. Þetta er ákvörðun sem ég tók og ég er sáttur við hana. Það var gaman að spila þennan leik með KR og á móti Stjörnunni. Það var skemmtilegt," sagði Þorsteinn Már sem var þó auðvitað svekktur með tapið.
„Ég tók þessa ákvörðun snemma í sumar og ákvað að njóta þess að spila þetta tímabil."
Hann fékk erfitt verkefni í dag að takast á við Ísak Andra Sigurgeirsson, sem lagði upp tvö mörk. „Ísak er rosalega flottur. Ég er búinn að æfa með honum og spila með honum, en núna er ég að spila á móti honum. Framtíðin er hans."
Hvað tekur við núna?
„Ég er búinn að kaupa mér hús í Stykkishólmi og við fjölskyldan ætlum að flytja þangað," sagði Þorsteinn en hann er uppalinn þar á svæðinu. Hann segir að hann muni eflaust sakna fótboltans en hann sé mjög sáttur við þessa ákvörðun núna.
Athugasemdir
