Loic Ondo.
Eiður Ívarsson og Arnar Hallsson þjálfari Aftureldingar.
Afturelding hefur fengið varnarmanninn Loic Ondo til liðs við sig fyrir átökin í 2. deildinni í sumar.
Hinn 27 ára gamli Ondo kom fyrst til Íslands árið 2010 þegar hann spilaði með Grindavík í Pepsi-deildinni. Hann hefur síðan þá spilað samfleytt á Íslandi.
Hinn 27 ára gamli Ondo kom fyrst til Íslands árið 2010 þegar hann spilaði með Grindavík í Pepsi-deildinni. Hann hefur síðan þá spilað samfleytt á Íslandi.
Ondo lék einnig með Grindavík í Pepsi-deildinni 2012 en annars hefur hann mest leikið í næstefstu deild með BÍ/Bolungarvík og Fjarðabyggð.
Síðastliðið sumar spilaði Ondo fyrri hluta tímabils með Fjarðabyggð í 2. deildinni en síðari hlutann með Gróttu í Inkasso-deildinni.
Í fyrra var Ondo valinn í landslið Gabon en þar var hann meðal annars í hóp með framherjanum Pierre-Emerick Aubameyang sem er á leið til Arsenal.
„Afturelding fagnar því að fá þennan öfluga varnarmann til liðs við sig. Ondo hefur æft með Aftureldingu undafarnar vikur og staðið sig mjög vel. Reynsla hans á eftir að hjálpa liðinu í baráttunni sem er framundan í sumar," segir í fréttatilkynningu frá Aftureldingu.
Þá hefur markvörðurinn Eiður Ívarsson framlengt samning sinn við Aftureldingu um tvö ár. Eiður er uppalinn hjá Aftureldingu en hann varði mark liðsins í 2. deildinni í fyrra.
„Það er gleðiefni að Eiður ætli að taka slaginn áfram með Aftureldingu. Hann er ungur markvörður sem á framtíðina fyrir sér," segir í fréttatilkynningu frá Aftureldingu.
Athugasemdir
