Birkir Bjarnason í leiknum gegn Armeníu.
Arnar Þór Viðarsson, landsliðsþjálfari, segir að það verðið ákveðið í kvöld hvernig byrjunarliðið verður gegn Liechtenstein í undankeppni HM annað kvöld.
Albert Guðmundsson er í leikbanni á morgun og þeir Ragnar Sigurðsson og Kolbeinn Sigþórsson eru ekki með vegna meiðsla.
Aron Einar Gunnarsson, Birkir Bjarnason og Jóhann Berg Guðmundsson fengu allir högg gegn Armenum en staðan á þeim verður skoðuð í dag.
Albert Guðmundsson er í leikbanni á morgun og þeir Ragnar Sigurðsson og Kolbeinn Sigþórsson eru ekki með vegna meiðsla.
Aron Einar Gunnarsson, Birkir Bjarnason og Jóhann Berg Guðmundsson fengu allir högg gegn Armenum en staðan á þeim verður skoðuð í dag.
„Jói fékk högg á síðuna. Birkir Bjarna datt illa á bakið og Aron fékk spark í kálfann. Kári var að spila sinn annan leik á þremur dögum og fékk engin spörk en er þreyttur. Við erum að líta á þessa leikmenn sem hafa spilað þessa fyrstu tvo leiki. Það er erfiðast fyrir þá að ná sér," sagði Arnar Þór Viðarsson, landsliðsþjálfari, í viðtali við Fótbolta.net í dag.
„Við erum að fara að velja byrjunarliðið í kvöld. Við erum byrjaðir að raða niður alls konar möguleikum en við þurfum fyrst að leyfa leikmönnum að fara í endurhæfingu hjá læknum og sjúkrateyminu. Við tökum fund með læknateyminu í kvöld, fáum skýrslu og þá getum við ákveðið okkur."
Hér að neðan má sjá viðtalið við Arnar í kvöld sem og viðtal við Aron Einar Gunnarsson en landsliðsfyrirliðinn segist vera klár í að byrja á morgun.
Athugasemdir
