„Þetta verður ekki mikið betra. Þetta var uppeldisfélagið og ég var extra mótiveraður í þetta í dag. Það verður ekki betra fyrir markmann en að verja þetta í vító," sagði Ólafur Ísólm Ólafsson markvörður Fram eftir að hafa slegið Fylki út úr Mjólkurbikarnum í kvöld. Úrslitin réðust í vítaspyrnukeppni þar sem hann varði eina spyrnu.

Lestu um leikinn: Fram 5 -  4 Fylkir

„Við byrjuðum ekkert rosalega vel en við unnum okkur hægt og rólega inn í leikinn og mér fannst við mjög solid og ganga frá þessu. Ég var furðu rólegur og fannst við vera með þá allan tímann, sérstaklega eftir að þeir lentu manni undir. Þetta var aldrei í hættu og við hefðum geta klárað þetta í venjulegum leiktíma."

Ólafur er uppalinn í Fylki og mætti þarna uppeldisklúbbnum eins og hann nefndi. Eftir spennandi leik réðust úrslit í vítaspyrnukeppni.

„Maður lifir fyrir þessi moment. Þetta verður ekki mikið betra," sagði Óli en var hann búinn að kynna sér hvernig Fylkismennirnir skjóta í vítum?

„Nei ég ólst upp með öllum þessum gæjum og vissi nákvæmlega hvert þeir voru að fara. Þeir skutu allir í sömu horn og þeir gerðu í 5. flokki."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit