Everton fékk til sín Neal Maupay frá Brighton á dögunum til þess að koma inn fyrir Dominic Calvert-Lewin sem er meiddur.
Maupay er hins vegar ekki í hópnum í kvöld þegar liðið mætir Leeds í 5. umferð úrvalsdeildarinnar en hann hefur samt sem áður verið skráður í hópinn.
Ástæðan er sú að það var frídagur í Bretlandi á mánudaginn og því var ekki hægt að klára einhver atriði til að hann yrði löglegur í leikinn í kvöld.
Everton er enn í leit af sínum fyrsta sigri en liðið er með tvö stig eftir fjórar umferðir.
Athugasemdir
