„Eftir að þeir skora þá vorum við lengi að sigla þessu heim," segir Skúli Jón Friðgeirsson, varnarmaður KR. Liðið vann 3-1 sigur á nýliðum Þórs í Pepsi-deildinni í kvöld.
KR yfirspilaði Þór í upphafi leiks og var komið í 2-0 snemma. „Við byrjuðum svaka vel en svo einhvern veginn hættum við og drepum ekki almennilega leikinn. Þeir eru bara hörkugóðir og komu til baka," segir Skúli.
Þórsarar börðust vel eftir erfiða byrjun. „Þeir gera það mjög vel. Þeir reyna líka að spila boltanum sem er gott. Það er hundleiðinlegt að spila við lið sem koma hingað og ætla bara að leggja rútunni . Þeir reyna að spila fótbolta og eru bara mjög flottir."
„Það er langt síðan KR hefur byrjað svona vel og við ætlum bara að halda okkar striki." segir Skúli Jón.
Í sjónvarpinu hér að ofan er hægt að horfa á viðtalið við Skúla í heild sinni.
