Dylan Jacob Macallister er nýjasti leikmaður Breiðabliks sem liðið krækti í á sunnudaginn.
Dylan er framherji frá Ástralíu en hann gerði samning við félagið út þetta tímabil.
Dylan er framherji frá Ástralíu en hann gerði samning við félagið út þetta tímabil.
,,Ég er kominn til að spila fótbolta," sagði Dylan í samtali við Fótbolta.net.
,,Ég er kominn til Breiðabliks og er mjög glaður með að vera kominn hingað. Ég kom hingað í gær (fyrradag) og æfði með liðinu. Þetta var góð æfing með fullt af ungum og sprækum og leikmönnum."
Hann gæti þreytt frumraun sína í Kópavoginum á sunnudag er liðið fær Fylki í heimsókn.
,,Ég er spenntur fyrir fyrsta leik á sunnudag og spenntur fyrir því að leggja mig fram og gera vel."
,,Ég spilaði í Ástralíu á síðustu leiktíð og hafði tækifæri að fara til Noregs en þar sem glugginn opnar ekki fyrr en 1. ágúst þá gekk það ekki upp. Gamall liðsfélagi minn frá Íslandi hafði samband við mig og sagði að Breiðablik vantaði framherja. Við ræddum saman og þetta hljómaði spennandi fyrir mig og hér er ég kominn," sagði Dylan en hverjir eru styrkleikar hans?
,,Ég vinn boltann í loftinu og held honum uppi svo framliggjandi miðjumenn geti komið framar á völlinn og vonandi komist inn í teig og skorað nokkur mörk."
,,Ég er framherji og framherjar eru dæmdir af mörkum, ég vil skora mörk sem gera mér gott og félaginu líka," sagði Dylan að lokum í samtali við Fótbolta.net.
Nánar er rætt við Dylan í sjónvarpinu hér að ofan.
