Oliver Sigurjónsson, fyrirliði íslenska U21 landsliðsins, skoraði tvö mörk í frábærum sigri Íslands gegn Frakklandi í undankeppni EM 2017 á Kópavogsvelli í dag.

Ísland vann frækinn 3-2 sigur gegn tíu Frökkum, en Oliver skoraði fyrsta mark Íslands þegar hann fylgdi eftir víti sem hann hafði misnotað. Hann skoraði svo af punktinum í seinni hálfleik.

Lestu um leikinn: Ísland U21 3 -  2 Frakkland U21

„Maður er alltaf klár, þó þetta sé nú fyrsta vítið sem ég klúðra á fullorðinsferli var ég alltaf tilbúinn og setti hann í markið," sagði Oliver um fyrsta markið.

„Ég missti hann aðeins upp, það var ekki nógu vel gert hjá mér, ég var eiginlega of langt frá boltanum þegar ég skaut."

„Ég er nógu klikkaður til að vita að ég skora alltaf úr vítum, þó ég hafi klúðrað mínu fyrsta þarna. En ég var alltaf að fara að skora úr seinna, ég vissi það alveg."

Oliver tekur skemmtilega hægar atrennur að boltanum í vítunum og hefur lengi tileinkað sér þann háttinn.

„Ég er búinn að æfa þetta síðan ég var tíu ára gamall, ég er ekkert að fara að hætta því. Þetta virkar."

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit