Birkir Már Sævarsson.
Ildefons Lima.
Það vöktu fáir jafn mikla athygli í leik Íslands og Andorra í gær og Ildefons Lima, fyrirliði Andorra.
Ildefons Lima er 39 ára gamall varnarmaður sem spilar með Santa Coloma í heimalandinu. Hann var hluti af liði Santa Coloma sem mætti Val í forkeppni Evrópudeildarinnar á síðasta ári.
Ildefons Lima er 39 ára gamall varnarmaður sem spilar með Santa Coloma í heimalandinu. Hann var hluti af liði Santa Coloma sem mætti Val í forkeppni Evrópudeildarinnar á síðasta ári.
Þar spilaði hann gegn íslenska landsliðsmanninum Birki Má Sævarssyni.
Eftir að hafa spilað á móti Birki birti Lima mynd af þeim félögum á Instagram. Hann fékk einnig Valstreyju sem Birkir hafði leikið í. Valur Páll Eiríksson, íþróttafréttamaður á RÚV, vakti athygli á þessu á Twitter í gær og skrifaði:
„Það eru fáir sem vita að Ildefons Lima, fyrirliði Andorra, er formaður aðdáendaklúbbs Birkis Más Sævarssonar."
Lima svaraði þessu á Twitter og kom því á framfæri að Birkir væri að hjálpa honum við góðgerðarmál í Andorra.
„Ekki enn. Birkir Már hjálpar okkur við góðgerðarmál fyrir börn í Andorra. Góður maður," skrifaði Lima.
Not yet, but @BirkirSaevars helps us with our charity association in Andorra for children. Good man😉🇮🇸⚽️🔝
— Ildefons Lima Solà 🇦🇩 (@ildelima6) March 22, 2019
Fallega gert hjá Birki sem varð í gær næst leikjahæsti landsliðsmaður Íslandssögunnar. Hann lék sinn 89. landsleik í gær og er nú jafn Hermanni Hreiðarssyni í öðru sæti. Á toppnum er Rúnar Kristinsson með 104 landsleiki.
Birkir Már lagði upp seinna mark Íslands í 2-0 sigri í Andorra í gær.
Athugasemdir
