Arnór Ingvi Traustason kom inn af bekknum í 1-0 sigri Malmö gegn Djurgården í sænska boltanum í dag.
Arnór Ingvi kom inn í hálfleik þegar heimamenn voru þegar komnir með yfirhöndina og leiddu 1-0.
Bæði lið fengu fín færi eftir leikhlé en inn vildi boltinn ekki og er Malmö með níu stig eftir fimm umferðir, í öðru sæti fjórum stigum eftir toppliði Norrköping.
Ísak Bergmann Jóhannesson lék fyrstu 88 mínúturnar er Norrköping rétt náði jafntefli gegn Elfsborg.
Elfsborg tók forystuna í fyrri hálfleik en heimamenn tóku öll völd á vellinum eftir leikhlé. Það gekk þó illa að skora og leit jöfnunarmarkið ekki dagsins ljós fyrr en í uppbótartíma.
Varnarmaðurinn Rasmus Lauritsen jafnaði fyrir Norrköping og bætti þannig upp fyrir sjálfsmarkið sem hann skoraði í fyrri hálfleik.
Malmö 1 - 0 Djurgården
1-0 Anders Christiansen ('43)
Norrköping 1 - 1 Elfsborg
0-1 Rasmus Lauritsen ('34, sjálfsmark)
1-1 Rasmus Lauritsen ('92)
Athugasemdir