02.03.20 - 07:30
Guðmundur Aðalsteinn Ásgeirsson
AZ með sögulegan sigur á Ajax - Spenna í Hollandi
Mynd: Getty Images
Mynd: Getty Images
Það er spenna í hollensku úrvalsdeildinni þar sem AZ Alkmaar vann Ajax í toppslag í gær. Leikurinn fór fram á Johan Cruijff Arena, heimavelli Ajax í Amsterdam.
AZ byrjaði leikinn vel og skoraði Myron Boadu sitt 14. deildarmark á tímabilinu eftir aðeins fjórar mínútur. Staðan var 1-0 fyrir gestina í hálfleik.
Þegar um stundarfjórðungur var eftir af leiknum tókst AZ svo að skora aftur og í þetta skiptið var það Oussama Idrissi sem skoraði.
AZ nýtti sín færi og tókst þannig að vinna leikinn. Þess ber að geta að þetta er í fyrsta sinn í sögu AZ sem liðinu tekst að vinna Ajax í báðum deildarleikjum á einu tímabili.
Þegar tíu umferðir eru eftir eru Ajax og AZ með jafnmörg stig á toppi deildarinnar, 53 talsins.
Albert Guðmundsson er á mála hjá AZ. Hann hefur verið lengi á meiðslalista AZ Alkmaar en það styttist í endurkomu hans.
Þegar um stundarfjórðungur var eftir af leiknum tókst AZ svo að skora aftur og í þetta skiptið var það Oussama Idrissi sem skoraði.
AZ nýtti sín færi og tókst þannig að vinna leikinn. Þess ber að geta að þetta er í fyrsta sinn í sögu AZ sem liðinu tekst að vinna Ajax í báðum deildarleikjum á einu tímabili.
Þegar tíu umferðir eru eftir eru Ajax og AZ með jafnmörg stig á toppi deildarinnar, 53 talsins.
Albert Guðmundsson er á mála hjá AZ. Hann hefur verið lengi á meiðslalista AZ Alkmaar en það styttist í endurkomu hans.
AZ 1-0 Ajax
— Squawka Football (@Squawka) March 1, 2020
Ajax 0-2 AZ
For the first time in the club's history, Alkmaar have completed a league double against Ajax. 😲 pic.twitter.com/SwmJQY1QjE
Albert er á mála hjá AZ en á meiðslalistanum.
Mynd: Fótbolti.net - Hafliði Breiðfjörð
