Nýliðar Sunderland mæta stórveldi Manchester City og gerir Régis Le Bris þjálfari aðeins eina breytingu frá jafntefli gegn Leeds United um helgina. Eliezer Mayenda fær sitt fyrsta tækifæri með byrjunarliðinu síðan í ágúst og tekur hann sæti Chris Rigg í liðinu.

Rigg sest á bekkinn á meðan Brian Brobbey heldur sæti sínu í fremstu víglínu, með Wilson Isidor á bekknum. Simon Adingra er þá í byrjunarliðinu þriðja leikinn í röð en Dan Ballard er ekki með vegna meiðsla.

Pep Guardiola, þjálfari Man City, gerir tvær breytingar eftir sigur gegn Nottingham Forest í síðustu umferð. Nathan Aké og Savinho fá óvænt tækifæri með byrjunarliðinu og koma þeir inn fyrir Josko Gvardiol og Tijjani Reijnders sem setjast á bekkinn.

Þetta þýðir að Rayan Cherki byrjar aftur í holunni fyrir aftan Erling Haaland. Rodri og Jeremy Doku eru þá komnir úr meiðslum og byrja á bekknum.

Í London breytir Keith Andrews aðeins einum leikmanni í byrjunarliði Brentford eftir frábæran sigur gegn Bournemouth um helgina. Jordan Henderson kemur inn á miðjuna fyrir Mathias Jensen sem sest á bekkinn.

Að lokum er það Thomas Frank sem mætir sínum fyrrum vinnuveitendum í Brentford. Þetta er í fyrsta sinn sem hann mætir til leiks með Tottenham á Brentford Community Stadium eftir að hann skipti um félag síðasta sumar.

Frank gerir þrjár breytingar frá sigri gegn Crystal Palace um helgina. Cristian Romero er kominn aftur úr leikbanni og þá koma Joao Palhinha og Wilson Odobert einnig inn í byrjunarliðið.

Brennan Johnson var á bekknum gegn Palace en dettur úr hóp þar sem hann er að ljúka við félagaskipti til Tottenham á meðan Randal Kolo Muani, Lucas Bergvall og Kevin Danso setjast á bekkinn.

Sunderland: Roefs, Hume, Mukiele, Alderete, Cirkin, Xhaka, Geertruida, Le Fee, Mayenda, Adingra, Brobbey
Varamenn: Patterson, Neil, Rigg, Isidor, Mundle, Hjelde, H. Jones, O'Nien, Tutierov.

Man City: Donnarumma, Nunes, Dias, Ake, O’Reilly, Nico Gonzalez, Bernardo Silva, Savinho, Foden, Cherki, Haaland.
Varamenn: Trafford, Reijnders, Doku, Rodri, Gvardiol, Khusanov, Mukasa, Lewis, R. Heskey.

---

Brentford: Kelleher; Kayode, Collins, Ajer, Henry; Janelt, Yarmoliuk, Henderson; Lewis-Potter, Thiago, Schade.
Varamenn: Valdimarsson, Hickey, van Den Berg, Pinnock, Jensen, Nelson, Damsgaard, Konak, Donovan.

Tottenham: Vicario; Porro, Romero, Van de Ven, Spence; Palhinha, Bentancur; Kudus, Gray, Odobert; Richarlison.
Varamenn: Kinsky, Austin, Dragusin, Danso, Tel, Davies, Kolo Muani, Scarlett, Olusesi.