Frakkland féll óvænt úr leik á EM gegn Sviss í 16-liða úrslitunum. Heimsmeistararnir töpuðu í leik sem fór alla leið í vítaspyrnukeppninni.
Eftir þetta súra tap hefur verið fjallað um að ósætti, bæði í leikmannahópnum og foreldrahópnum.
Talað er um það í frönskum fjölmiðlum að liðsheildin hafi ekki verið sú sama og áður fyrr. The Athletic segir að leikmenn hafi verið ósáttir við hótelið sem þeir voru á í Búdapest og ákveðnir leikmenn hafi viljað meiri lúxus.
Franska íþróttablaðið L’Equipe greinir frá því að það hafi verið stirt á milli Antoine Griezmann og Kylian Mbappe, stjörnuleikmanna Frakklands.
Mbappe, sem klúðraði vítaspyrnu í vítaspyrnukeppninni gegn Sviss, er sagður afbrýðisamur út Griezmann og það traust sem hann fær frá þjálfaranum, Didier Deschamps. Griezmann er vel liðinn í hópnum og Mbappe er afbrýðisamur.
Það er sagt að einbeiting Mbappe hafi meira verið á Griezmann en hans eigin frammistöðu. Mbappe átti ekki gott mót og skoraði hann ekki eitt mark.
Mbappe og Griezmann voru ósammála um endurkomu Karim Benzema í liðið. Mbappe vildi fá Benzema inn, en Griezmann vildi það ekki þar sem hlutverk hans breyttist við það.
Fram kemur á Football Espana að Mbappe sé búinn að þróa með sér stórt egó á þeim þremur árum sem liðin eru frá því Frakkland vann HM, það sé erfitt að ráða við hann. Mbappe er aðeins 22 ára gamall.
Átta-liða úrslitin á EM hefjast í dag en þar er Frakkland ekki.
Athugasemdir