KA eru ríkjandi Íslandsmeistarar í 2. flokki.
U19 lið KA mætir FS Jelgava frá Lettlandi í fyrstu umferð í Evrópukeppni unglingaliða.
Fyrri leikur liðanna fer fram 17. september og sá síðari 1. október, leikið er heima og að heiman. Sigurvegari einvígisins mætir þá U19 liði PAOK frá Grikklandi.
KA varð Íslandsmeistari í 2. flokki á síðasta tímabili og er því fulltrúi Íslands í keppninni að þessu sinni.
Í fyrra var það Stjarnan sem tók þátt fyrir Íslands hönd en liðið féll úr leik í fyrstu umferð gegn UC Dublin frá Írlandi.
Athugasemdir
