Freyr Sigurðsson (Fram)
„Það er langt síðan ég hef séð hann svona góðan," segir Valur Gunnarsson, sérfræðingur Fótbolta.net, í Innkastinu þegar rætt var um frammistöðu Freys Sigurðssonar, leikmanns Fram, í 2-1 sigri gegn Val.
Lestu um leikinn: Fram 2 - 1 Valur
„Freyr var stórkostlegur í kvöld. Undirbúningurinn í fyrsta markinu var algert augnakonfekt og svo skaut hann í hendina á Sigurði sem varð að víti," skrifaði Gunnar Bjartur Huginsson í skýrslu sinni um leikinn.
Freyr er 19 ára miðjumaður sem er Sterkasti leikmaður 21. umferðar Bestu deildarinnar, í boði Steypustöðvarinnar. Hann átti magnaðan undirbúning að fyrra marki Fram, lyfti boltanum yfir andstæðing sinn á miðsvæðinu áður en hann sótti að marki, splundraði Valsliðinu og átti stoðsendingu á Simon Tibbling.
Hann krækti svo í vítaspyrnu sem Fram skoraði sigurmarkið úr en hér að neðan má sjá allt það helsta úr leiknum.
Stefán Pálsson, stuðningsmaður Fram, skrifar í umfjöllun á heimasíðu Fram að Freyr hafi verið langbestur Framara í leiknum.
„Tap í kvöld hefði endanlega fokkað upp tímabilinu. Sigur þýðir að við fáum hreinan úrslitaleik um sæti í efri hlutanum eftir hálfan mánuð. Sigurvegarinn mun hirða allt…!" skrifar Stefán en Fram er í sjötta sæti og mun mæta FH í lokaumferð fyrir tvískiptinguna.
Leikmenn umferðarinnar:
20. umferð - Árni Snær Ólafsson (Stjarnan)
19. umferð - Vicente Valor (ÍBV)
18. umferð - Sigurður Bjartur Hallsson (FH)
17. umferð - Patrick Pedersen (Valur)
16. umferð - Frederik Schram (Valur)
15. umferð - Björn Daníel Sverrisson (FH)
14. umferð - Hallgrímur Mar Steingrímsson (KA)
13. umferð - Kristófer Ingi Kristinsson (Breiðablik)
12. umferð - Patrick Pedersen (Valur)
11. umferð - Guðmundur Baldvin Nökkvason (Stjarnan)
10. umferð - Viktor Örn Margeirsson (Breiðablik)
9. umferð - Alex Þór Hauksson (Stjarnan)
8. umferð - Jakob Byström (Fram)
7. umferð - Kjartan Kári Halldórsson (FH)
6. umferð - Morten Ohlsen Hansen (Vestri)
5. umferð - Hrannar Snær Magnússon (Afturelding)
4. umferð - Bjarki Björn Gunnarsson (ÍBV)
3. umferð - Jónatan Ingi Jónsson (Valur)
2. umferð - Guðmundur Magnússon (Fram)
1. umferð - Rúnar Már Sigurjónsson (ÍA)
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 21 | 12 | 4 | 5 | 52 - 33 | +19 | 40 |
| 2. Víkingur R. | 21 | 11 | 6 | 4 | 40 - 27 | +13 | 39 |
| 3. Stjarnan | 21 | 11 | 4 | 6 | 41 - 34 | +7 | 37 |
| 4. Breiðablik | 20 | 9 | 6 | 5 | 36 - 31 | +5 | 33 |
| 5. FH | 21 | 8 | 5 | 8 | 39 - 33 | +6 | 29 |
| 6. Fram | 21 | 8 | 4 | 9 | 30 - 29 | +1 | 28 |
| 7. ÍBV | 21 | 8 | 4 | 9 | 23 - 27 | -4 | 28 |
| 8. Vestri | 21 | 8 | 3 | 10 | 22 - 24 | -2 | 27 |
| 9. KA | 21 | 7 | 5 | 9 | 25 - 38 | -13 | 26 |
| 10. KR | 21 | 6 | 6 | 9 | 42 - 44 | -2 | 24 |
| 11. Afturelding | 21 | 5 | 6 | 10 | 28 - 36 | -8 | 21 |
| 12. ÍA | 20 | 5 | 1 | 14 | 20 - 42 | -22 | 16 |
Athugasemdir
