Axel Óskar var í byrjunarliði Riga sem valtaði yfir Spartaks, 6-1, í þriðju umferð lettnesku deildarinnar.

Riga komst í 2-0 í fyrri hálfleik, Axel skoraði með hjólhestaspyrnu á 13. mínútu en vítaspyrna var dæmd fyrir brot annars staðar í teignum. Axel lagði svo upp annað markið með fyrirgjöf eftir misheppnaða horsnpyrnu á 28. mínútu.

Það er leiðinlegt fyrir Axel að markið hafi ekki fengið að standa því það var stórglæsilegt hjá honum. Ekki oft sem það sjást svona taktar hjá miðverði.

Dómarinn flautaði í þann mund er boltinn fór í netið en hægt er að sjá það helsta úr leiknum hér að neðan. Mark Axels kemur eftir um 20 sekúndur í myndbandinu.