Burnley hefur gefist upp á að fá vængmanninn Harry Wilson í sínar raðir samkvæmt heimildum Sky Sports.
Burnley hefur undanfarnar vikur verið að skoða þann möguleika á að fá Wilson sem er samningsbundinn Liverpool.
Viðræður félagana hafa hins vegar siglt í strand og er útlit fyrir að Wilson verði með Liverpool á þessu tímabili.
Sean Dyche, stjóri Burnley, er nokkuð sáttur með eigin hóp og er ólíklegt að Burnley styrki sig fyrir lok gluggans á mánudag.
Wilson var lánaður til Bournemouth á síðustu leiktíð og þótti standa sig með prýði.
Athugasemdir
