Liverpool tilkynnti um samkomulag við PSV Einhoven um kaupin á Gakpo fyrir áramót en það hefur tekið nokkurn tíma að ganga frá atvinnuleyfi fyrir leikmanninn.

Á meðan það hefur verið í gangi þá hefur Gakpo ekki fengið leyfi til að æfa né spila með Liverpool en hann er núna kominn með það leyfi.

Hann var ekki í hópnum gegn Brentford fyrr í þessari viku en getur tekið þátt í næsta leik gegn Úlfunum í FA-bikarnum.

Hinn 23 ára Gakpo átti mjög öflugt heimsmeistaramót og verður fróðlegt að sjá hann í enska boltanum. Hann getur leyst flestar stöðurnar fremst á vellinum.