ÍBV 0 - 3 Tindastóll
0-1 María Dögg Jóhannesdóttir ('34 )
0-2 Kristjana R. Kristjánsd. Sigurz ('68 , Sjálfsmark)
0-3 Murielle Tiernan ('72 )
ÍBV og Tindastóll áttust við í A-deild Lengjubikars kvenna í dag og fór leikurinn fram í Akraneshöllinni.
María Dögg Jóhannesdóttir gerði eina mark fyrri hálfleiksins fyrir Tindastól sem tvöfaldaði svo forystuna þökk sé sjálfsmarki í síðari hálfleik.
Skömmu eftir sjálfsmarkið innsiglaði hin öfluga Murielle Tiernan sigur Sauðkrækinga og urðu lokatölur 0-3 fyrir Tindastól.
Þetta var fyrsti sigur Tindastóls í Lengjubikarnum í ár eftir tvö stór töp og er liðið með þrjú stig eftir þrjár umferðir.
ÍBV er einnig með þrjú stig en Eyjakonur hafa aðeins spilað tvo leiki og eiga því leik til góða.
Athugasemdir
