Pikul er 28 ára gamall Úkraínumaður sem kom til landsins sumarið 2022 eftir að hafa spilað allan sinn feril í heimalandinu.

Pikul var fyrirliði Alyans í næst efstu deild áður en keppni var hætt um tíma vegna stríðsátaka í landinu.

Hann samdi við Þrótt R. og hjálpaði liðinu meðal annars að komast upp úr 2. deildinni sumarið 2022.

Í heildina spilaði hann 44 leiki fyrir Þróttara en yfirgaf liðið eftir síðasta tímabil og hefur nú ákveðið að taka slaginn með Þrótti Vogum. Pikul skrifaði undir tveggja ára samning við félagið.

Þróttur V. var hársbreidd frá því að komast upp í Lengjudeildina á síðasta ári en liðið hafnaði í 4. sæti aðeins þremur stigum á eftir ÍR, sem tók síðasta lausa sætið í Lengjudeildinni.