Heimild: Goal
Frá fótboltaleik í Hvíta-Rússlandi.
Sergei Zhardetski, aðalritari knattspyrnusambandsins í Hvíta-Rússlandi, segir að það sé engin ástæða til þess að hætta fótboltaiðkun í landinu.
Fótboltinn heldur áfram í Hvíta-Rússlandi á meðan hann hefur verið stöðvaður í nánast öllum löndum heims vegna kórónuveirunnar. Hvíta-Rússland er eina landið í Evrópu þar sem fótbolti er spilaður í efstu deild.
Fótboltinn heldur áfram í Hvíta-Rússlandi á meðan hann hefur verið stöðvaður í nánast öllum löndum heims vegna kórónuveirunnar. Hvíta-Rússland er eina landið í Evrópu þar sem fótbolti er spilaður í efstu deild.
Áhuginn á deildinni hefur rokið upp, en alþjóðaleikmannasamtökin segja það óskiljanlegt að enn sé spilaður fótbolti í landinu.
Fjórir hafa látist í Hvíta-Rússlandi og 351 hafa smitast með veiruna, en yfirvöld þar í landi hafa ekki frestað íþróttaviðburðum, lokað fyrirtækjum og hvatt fólk til að halda sig innandyra. Forseti Hvíta-Rússlands, Alexander Lukashenko, hefur hvatt landsmenn til að drekka Vodka og þvo sér um hendurnar með því.
Zhardetski segir að engin plön séu um að stöðva fótboltann í landinu. „Við endurmetum stöðuna á hverjum degi," sagði hann við ESPN. Hann hélt áfram og sagði: „Við treystum heilbrigðiskerfinu okkar og það er í augnablikinu engin ástæða til þess að stöðva deildina."
„Við skiljum að staðan sé mjög alvarleg í sumum löndum, en við höfum ráðfært okkur við viðeigandi yfirvöld í Hvíta-Rússlandi og það er okkar skilningur að deildin geti haldið áfram."
Einn Íslendingur leikur í deildinni en það er Willum Þór Willumsson sem er hjá BATE Borisov.
Athugasemdir
