Manchester United steinlá er liðið tók á móti Tottenham í ensku úrvalsdeildinni í dag.
Rauðu djöflarnir tóku forystuna snemma leiks en gestirnir frá London sneru stöðunni við og var staðan orðin 1-2 eftir sjö mínútur.
Þegar Anthony Martial fékk beint rautt spjald varð róðurinn þungur fyrir Man Utd og bættu gestirnir tveimur mörkum við fyrir leikhlé.
Það var í fyrsta sinn sem Man Utd fær fjögur mörk á sig í fyrri hálfleik í ensku úrvalsdeildinni, eftir næstum 1100 leiki í keppninni.
Þetta var þriðji leikur Man Utd á úrvalsdeildartímabilinu og er liðið aðeins með þrjú stig eftir heppnissigur gegn Brighton.
Athugasemdir