Varnarmaðurinn reyndi Kári Árnason hefur framlengt samning við Víking R. til tveggja ára og mun leika áfram með uppeldisfélagi sínu í Pepsi Max-deildinni næsta sumar.
Kári skrifaði undir nýjan samning á fréttamannafundi í Víkinni nú rétt í þessu.
Kári skrifaði undir nýjan samning á fréttamannafundi í Víkinni nú rétt í þessu.
Hinn 38 ára gamli Kári kom aftur til Víkings sumarið 2019 eftir langan feril í atvinnumennsku erlendis. Hann varð bikarmeistari með Víkingi í fyrra.
Þórður Ingason skrifaði einnig undir nýjan tveggja ára samning við Víking í dag. Þórður kom til Víkings frá uppeldisfélagi sínu Fjölni fyrir sumarið 2019.
Hinn 32 ára gamli Þórður var aðalmarkvörður Víkings í fyrra en í ár var hann varamarkvörður á eftir Ingvari Jónssyni sem kom til félagsins síðastliðinn vetur.
Víkingur endaði í tíunda sæti í Pepsi Max-deildinni í sumar en félagið hefur í vetur fengið Pablo Punyed til liðs við sig frá KR og Axel Frey Harðarson frá Gróttu.
Athugasemdir