Kennslustund fyrir Bandaríkin - „Stundum fínt að fá smá rassskellingu"

Arnar Gunnlaugsson segir í HM stofunni á Rúv að þetta hafi verið góð kennslustund fyrir Bandaríkin sem voru meira með boltann en Hollendingar nýttu skyndisóknirnar vel.

„Þetta var hálfgerð kennslustund. Bandaríkin þurfa að læra að spila fullorðinsfótbolta, þeir voru svolítið barnalegir í sinni nálgun, ekkert ósvipað og Kanadamenn. Það eru fjögur ár til stefnu fyrir bæði þessi lið að mæta sterkari til leiks, stundum er fínt að fá smá rassskellingu á stóra sviðinu af því gefnu að þú lærir af því," sagði Arnar Gunnlaugsson.

Næsta HM verður haldið í Mexíkó, Bandaríkjunum og Kanada og Arnar hefur trú á því að liðin komi sterkari til leiks eftir fjögur ár.