Pedro á tæplega 300 leiki að baki í spænsku C-deildinni auk leikja í B-deildinni. Í vetur hefur hann verið að spila með Coruxo í C-deildinni en hefur nú yfirgefið félagið til að flytja í Mosfellsbæ.

„Ég hlakka til og ég er mjög ánægður með að hafa tekið þessa ákvörðun," sagði Pedro eftir undirksriftina.

Magnús Már Einarsson, þjálfari Aftureldingar, tjáði sig um þennan nýja leikmann. „Pedro hefur allan sinn feril spilað með öflugum liðum á Spáni og hann kemur með mikla reynslu og gæði inn í leikmannhópinn. Við bindum miklar vonir við hann."

Afturelding leikur í Lengjudeildinni í sumar og verður spennandi að fylgjast með Pedro.