Gylfi Þór er kominn á blað
Breiðablik 3 - 3 KR
1-0 Tobias Bendix Thomsen ('53 )
2-0 Tobias Bendix Thomsen ('60 )
2-1 Eiður Gauti Sæbjörnsson ('67 )
2-2 Jóhannes Kristinn Bjarnason ('71 )
2-3 Finnur Tómas Pálmason ('81 )
3-3 Kristófer Ingi Kristinsson ('92 )
Lestu um leikinn
1-0 Tobias Bendix Thomsen ('53 )
2-0 Tobias Bendix Thomsen ('60 )
2-1 Eiður Gauti Sæbjörnsson ('67 )
2-2 Jóhannes Kristinn Bjarnason ('71 )
2-3 Finnur Tómas Pálmason ('81 )
3-3 Kristófer Ingi Kristinsson ('92 )
Lestu um leikinn
Flestir bjuggust við fjörugum leik á Kópavogsvelli þegar Breiðablik fékk KR í heimsókn í kvöld. Það var enginn svikinn þar.
Fyrri hálfleikurinn var fjörugur en mörkin létu á sér standa. Bæði lið fengu tækifæri til að skora fyrsta markið í upphafi seinni hálfleiks en það var KR-ingurinn fyrrverandi, Tobias Thomsen sem braut ísinn.
Hann skoraði með skalla eftir fyrirgjöf frá Antoni Loga Lúðvíkssyni.
Stuttu síðar bætti hann svo öðru markinu við og aftur var það Anton Logi sem lagði markið upp en hann átti sendingu í gegn á Tobias.
KR-ingar gáfust ekki upp því Eiður Gauti Sæbjörnsson minnkaði muninn þegar hann skallaði boltann í netið. Jóhannes Kristinn Bjarnason jafnaði síðan metin aðeins fjórum mínútum síðar.
Finnur Tómas Pálmason fullkomnaði endurkomuna þegar hann fékk sendingu frá Hjalta Sigurðssyni á fjærstöngina og skallaði boltann í netið en það dugði ekki til að lokum.
Í uppbótatíma slapp Kristófer Ingi Kristinsson einn í gegn og jafnaði metin og tryggði Blikum stig.
Afturelding 3 - 0 Stjarnan
1-0 Hrannar Snær Magnússon ('9 )
2-0 Georg Bjarnason ('57 )
3-0 Aron Jóhannsson ('64 )
Lestu um leikinn
Afturelding nældi í annan sigurinn í efstu deild þegar liðið lagði Stjörnuna í Mosfellsbæ í kvöld.
Hrannar Snær Magnússon kom Aftureldingu yfir snemma leiks eftir hraða sókn. Georg Bjarnason bætti öðru markinu við af miklu harðfylgi eftir tæplega klukkutíma leik.
Afturelding hafði aðeins skorað eitt mark í deildinni fyrir leik kvöldsins en Aron Jóhannsson innsiglaði 3-0 sigur liðsins.
Víkingur R. 3 - 2 Fram
1-0 Davíð Örn Atlason ('18 )
2-0 Erlingur Agnarsson ('27 )
2-1 Vuk Oskar Dimitrijevic ('36 )
3-1 Gylfi Þór Sigurðsson ('79 )
3-2 Róbert Hauksson ('91 )
Lestu um leikinn
Það var markaleikur í Víkinni þar sem Fram var í heimsókn. Davíð Örn Atlason kom heimamönnum yfir og Erlingur Agnarsson bætti öðru markinu við eftir frábæra fyrirgjöf frá Helga Guðjónssyni.
Vuk Oskar Dimitrijevic minnkaði muninn fyrir Fram þegar hann skoraði með góðu skoti.
Þegar skammt var til loka venjulegs leiktíma skoraði Gylfi Þór Sigurðsson sitt fyrsta mark fyrir Víkinga. Viktor Örlygur sendi boltann út í teiginn á Gylfa og hann skoraði að öryggi.
Róbert Hauksson klóraði í bakkann fyrir Fram en nær komust þeir ekki.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 5 | 3 | 1 | 1 | 10 - 4 | +6 | 10 |
| 2. Vestri | 5 | 3 | 1 | 1 | 6 - 2 | +4 | 10 |
| 3. Breiðablik | 5 | 3 | 1 | 1 | 10 - 8 | +2 | 10 |
| 4. KR | 5 | 1 | 4 | 0 | 15 - 10 | +5 | 7 |
| 5. ÍBV | 5 | 2 | 1 | 2 | 6 - 7 | -1 | 7 |
| 6. Afturelding | 5 | 2 | 1 | 2 | 4 - 5 | -1 | 7 |
| 7. Fram | 5 | 2 | 0 | 3 | 10 - 9 | +1 | 6 |
| 8. Valur | 5 | 1 | 3 | 1 | 8 - 9 | -1 | 6 |
| 9. Stjarnan | 5 | 2 | 0 | 3 | 7 - 10 | -3 | 6 |
| 10. ÍA | 5 | 2 | 0 | 3 | 5 - 9 | -4 | 6 |
| 11. FH | 5 | 1 | 1 | 3 | 8 - 8 | 0 | 4 |
| 12. KA | 5 | 1 | 1 | 3 | 6 - 14 | -8 | 4 |
Athugasemdir
