Ferran Torres hefur undanfarna mánuði verið orðaður við öll stórlið Evrópu en í gær var tilkynnt að hann væri genginn í raðir Manchester City.
Stjörnublaðamaðurinn Guillem Balague tók viðtal við þennan tvítuga vængmann á dögunum, þegar hann var enn leikmaður Valencia.
Stjörnublaðamaðurinn Guillem Balague tók viðtal við þennan tvítuga vængmann á dögunum, þegar hann var enn leikmaður Valencia.
„Sem leikmaður þá tel ég mig vera metnaðarfullan, ég er leikmaður sem vill alltaf vinna. Þegar tíminn líður þá finnst mér ég vera tilbúinn að takast á við stærri áskoranir og breyta um umhverfi," sagði Torres.
„Sjálfur hugsa ég alltaf að ég sé sá besti, ég vil vera sá besti og vinn að því að verða bestur. Ef þú trúir því ekki sjálfur að þú getir orðið bestur þá mun enginn annar trúa því."
Hraði og hæfileikar Torres komu fljótt í ljós þegar hann var í yngri liðum Valencia. Þá er hann talinn með mikla leikgreind og er fljótur að taka ákvarðanir.
Athugasemdir
