Breiðablik ætlar að halda áfram að sækja leikmenn til Suður-Ameríku en félagið gæti nú verið að krækja í sóknarmann þaðan en þetta kom fram í útvarpsþættinum Fótbolti.net í gær.
Blikar gengu frá samningum við Juan Camilo Perez, 22 ára gamlan vængmann frá Venesúela í nóvember.
Sjá einnig:
Breiðablik sækir leikmann frá Suður-Ameríku (Staðfest)
Sögurnar segja nú að Blikar séu að skoða annan leikmann frá Suður-Ameríku en sá spilar stöðu framherja.
„Ég heyrði að það væri annar Suður-Ameríkumaður að koma og það væri sóknarmaður. Þeir verða væntanlega tveir frá Suður-Ameríku," sagði Elvar Geir.
„Ég held að þetta sé í gegnum sömu lúppu og Leiknis, Suður-Ameríkurmennirnir. Það er eitthvað aðeins verið að horfa til Íslands hvað þetta varðar."
Tómas Þór Þórðarson sagði að hann hefði góða tilfinningu fyrir þessum leikmönnum og þeir gætu komið verulega á óvart næsta sumar.
„Merkilegur fyrri gæinn sem kom. Umfjöllunin í kringum hann, viðtöl á Twitter og einhver með ítarleg viðtöl hvert hann væri að fara og væri mest vaxandi leikmaður í deildinni þar sem hann var að spila og kemur til Íslands."
„Það er tilfinning að þetta verði eitthvað bull og það á góðan máta," sagði hann ennfremur.
Athugasemdir