Markvörðurinn efnilegi Jökull Andrésson var í markinu hjá Exeter þegar liðið vann mikilvægan sigur í ensku D-deildinni í dag.
Exeter tók á móti Bradford á heimavelli sínum og lenti undir á 17. mínútu þegar Charles Vernam, fyrrum leikmaður ÍBV, skoraði fram hjá Jökli.
Exeter jafnaði metin á 42. mínútu en Bradford leiddi í hálfleiknum, 1-2. Þeir skoruðu annað mark sitt rétt fyrir leikhlé.
Það gekk betur í seinni hálfleiknum hjá Exeter og þeim tókst að snúa leiknum við. Sigurmarkið kom úr vítaspyrnu á 79. mínútu leiksins.
Exeter hefur unnið tvo leiki í röð núna og er komið upp í fimmta sæti, sem er umspilssæti. Liðin sem enda í þriðja til sjötta sæti deildarinnar fara í umspil um sæti í C-deildinni.
Jökull, sem er 19 ára, er í láni frá Reading hjá Exeter út þetta tímabil.
Athugasemdir