Mo Salah fékk falleinkunn.
Alisson fékk 9 fyrir sína frammistöðu.
Mohamed Salah, einn besti leikmaður heims, var langt frá sínu besta í leik Liverpool gegn Paris Saint-Germain í Frakklandi í gær. PSG yfirspilaði Liverpool í leiknum en enska liðið skoraði hinsvegar eina markið.
Alisson Becker markvörður Liverpool átti stórkostlegan leik og varamaðurinn Harvey Elliott tryggði 1-0 veganesti fyrir seinni leikinn sem verður á Anfield í næstu viku.
Alisson Becker markvörður Liverpool átti stórkostlegan leik og varamaðurinn Harvey Elliott tryggði 1-0 veganesti fyrir seinni leikinn sem verður á Anfield í næstu viku.
Egyptinn Salah, sem er að eiga geggjað tímabil, fékk aðeins 3/10 í einkunn frá franska blaðinu L'Equipe. Salah fann sig engan veginn í gær og var í góðri gæslu bakvarðarins Nuno Mendes.
Salah var á endanum tekinn af velli á 86. mínútu, fyrir Elliott sem skoraði sigurmarkið nánast strax eftir að hafa komið af bekknum.
Bakvörðurinn Andy Robertson fékk einnig 3 í einkunn en maður leiksins var að sjálfsögðu Alisson sem fékk 9. Alisson talaði um það í viðtali eftir leik að þetta hafi verið hans besti leikur á ferlinum.
Les notes de PSG-Liverpool par ????? @lequipe ???????? pic.twitter.com/wors1bUdiB
— Le Meilleur du PSG (@LMDPSG) March 5, 2025
Athugasemdir
